यशासाठी प्रयत्नाची दिशा

प्रयत्न करितां जीव तोडून,  जेव्हां यश तुम्हा न येई
सोडून देता त्याला तुम्हीं,  नशिबास दोष देच राही..१

दोष नका देवू नशिबाला,  मार्ग निवडले तुम्ही चुकीचे
का न मिळाले यश तुम्हां,   मूल्यमापन करा प्रयत्नाचे…२

चूक दिशेने प्रयत्न होतां,  वाहून जातो सदा आपण
यश जेव्हा मिळत नसते,  निराश होवून जाते मन…३

पुनः पुन्हा प्रयत्न करूनी,  यश न आले तुमचे हातीं
प्रयत्नाची दिशा बदलतां,  जुळून सहजच सारे येती…४

— डॉ. भगवान नागापूरकर
९००४०७९८५०
bknagapurkar@gmail.com