2018

अॅडियाट्रिकचा मोती समजले जाणारे ड्युब्रॉनिक हे शहर क्रोएशियात आहे. या शहराचा शोध सातव्या शतकात लागला रिनायझन्स काळातील सुंदर चर्च. इमारती येथे पहायला मिळतात.

टनेल ऑफ लव्ह हा युक्रेनमधील दोन रेल्वे स्टेशनला जोडणारा रस्ता आहे. मात्र, या मार्गावरील झाडांच्या रचनेमुळे तो जगप्रसिध्द झाला आहे. जगभरातील प्रेमीयुगुलांसाठी हा रस्ता महत्वाचे ठिकाण बनले आहे.

बार्बाडोस मधील ब्रिजटाउन शहराची ओळख प्राचीन बंदर अशीही आहे. बार्बाडोसची राजधानी असलेल्या या शहराचे प्रशासन पार्लमेंटव्दारा चालविले जाते. या शहराची नोंद युनेस्कोच्या जागतिक वारसा यादीत आहे.

ऑस्ट्रियातील उंच पर्वतीय प्रदेशात उभारण्यात आलेला सीमरिग रेल्वे प्रकल्प हा उत्कृष्ट इंजिनियरिंगचा नमुना आहे. १८४८ मध्ये हा प्रकल्प उभारण्यात आला. याची नोंद जागतिक वारसा यादीत करण्यात आली आहे.

बेनिन येथील अॅबॉमी राजघराण्याच्या वास्तव्याच्या ठिकाणाला विशेष महत्व आहे. १६२५ते१९०० या काळात १२ राजांनी येथे वास्तव्य केले. ४४हेक्टर परिसरात पसरलेल्या या परिसराची नोंद जागतिक वारसा यादीत आहे.

बेल्जियममधील ब्रुसेल्स येथे बांधण्यात आलेले स्टॉकलेट हाउस हे ऑस्ट्रियन वास्तुरचनाकार जोसेफ हॉफमन यांच्या मार्गदर्शनाखाली बांधण्यात आले. वास्तुरचनेचा उत्कृष्ट नमुना म्हणून याकडे पाहिले जाते.