गुरुनाथ आबाजी (जीए) कुलकर्णी

जी. ए. कुलकर्णी हे मराठी लेखक, कथाकार होते. गुरुनाथ आबाजी कुलकर्णी यांचा जन्म १० जुलै, १९२३ रोजी झाला. त्यांचे बहुतेक आयुष्य धारवाड येथे गेले. त्यांनी धारवाडच्या जे. एस. एस. महाविद्यालयामध्ये इंग्रजीचे अध्यापन केले. ते वैयक्तिक आयुष्यात अबोल व प्रसिद्धीविन्मुख मानले जातात. त्यांचे निधन ११ डिसेंबर, १९८७ रोजी झाले.

१९४० च्या आसपास त्यांनी कथा लेखन सुरू केले. सत्यकथेतून त्यांच्या कथा प्रसिद्ध होऊ लागल्या आणि कथाकार म्हणून जी. ए. यांचा लोकांना परिचय झाला. ‘निळासावळा’, ‘पारवा’, ‘हिरवे रावे’, ‘रक्तचंदन’, ‘काजळमाया’, ‘रमलखुणा’, ‘सांजशकुन’, ‘पिगळावेळ’, ‘कुसुमगुंजा’, ‘आकाशफुले’, ‘सोनपावले’ इत्यादी कथासंग्रह प्रसिद्ध आहेत. जी. एं. च्या काही कथा या मराठी कथेतील शिखरेच आहेत. रूपककथा या कथा प्रकारालाही जी. ए. यांनी खूपच उंचीवर नेऊन ठेवले. ‘बखर बिम्मची’, ‘मुग्धाची रंगीत गोष्ट’, ‘ओंजळधारा’, ‘अमृतफळे’ हे बालसाहित्य आणि कुमारसाहित्य संग्रह प्रसिद्ध आहेत. या व्यतिरित्त* त्यांचे अनुवादित साहित्यही बरेच आहे.

जी. एं. चा पत्रप्रपंच सुद्धा दोन खंडात प्रसिद्ध झालेला आहे. अशा या गूढ साहित्य लेखकाचे ११ डिसेंबर १९८७ रोजी निधन झाले.

जी. ए. कुलकर्णी यांचे मराठीसृष्टीवरील लेख

मराठी लेखक, कथाकार गुरुनाथ आबाजी कुलकर्णी ऊर्फ जी. ए. (11-Dec-2017) 

मराठी लेखक, कथाकार गुरुनाथ आबाजी कुलकर्णी ऊर्फ जी. ए. (3-Nov-2019)

मराठी लेखक जी. ए. कुलकर्णी (10-Jul-2017)

## Gurunath Abaji alias G A Kulkarni