मटण मसाला

साहित्य: पाव किलो मटण, 1 मोठा कांदा उभा बारीक चिरलेला ,2 ते 3 चमचे स्पेशल आगरी कोळी मसाला,150 ग्राम दही , अर्धा चमचा हळद ,चवीनुसार मीठ ,2 छोटे चमचे आलं-लसूण-मिरची पेस्ट

अक्खा मसाला :
१ इलायची, 2 ते 3 लवंग , 1 चक्री फुल ,२ तमालपत्र ,४ ते ५ काळीमिरी (हे सर्व पदार्थ हलकेच ठेचून घ्या)

वाटण :अर्धी खोबऱ्याची भाजलेली वाटी ,२ ते ३ पाकळ्या लसूण ,1 ते 2 हिरव्या मिरच्या , कोथिंबीर , अर्धा चमचा जिरे , अर्धा तुकडा आलं मिक्सर मध्ये बारीक वाटून घ्या

कृती : मटण स्वच्छ धुवून त्यावर 2 ते 3 चमचे आगरी कोळी स्पेशल मसाला ,अर्धा चमचा हळद ,150 ग्राम दही ,2 चमचे आलं लसूण मिरची पेस्ट टाकून 3 ते 4 तास फ्रीज मध्ये ठेवून चांगलं मॅरीनेट करून घ्या.

३ ते ४ पळी तेल गरम करून घ्या , त्यामध्ये बारीक उभा चिरलेला कांदा लालसर होईपर्यंत परतवा त्याच वेळी अक्खा मसाला सुद्धा परतवून घ्या .आता सर्व पदार्थ,वाटण आणि मटण एकत्र करून त्यात एक तांब्या पाणी टाकून कुकरमध्ये 2 शिट्ट्या घ्या .नंतर कुकर उघडून मंद आचेवर 10 मिनिटे ठेवून जाड रस्सा होईपर्यंत आटवून घ्या .अत्यंत स्वादिष्ट असा मटण मसाला तय्यार.