पालक पनीर पॅटिस

साहित्य :- एक जुडी पालक, एक वाटी पनीर, बारीक चिरलेला एक वाटी कांदा, दोन चमचे हिरवी मिरची-आले पेस्ट, दोन चमचे धने-जिरेपूड, मीठ, साखर, चवीनुसार लिंबूरस, डाळीचे पीठ.

कृती :- पालक धुऊन गरम पाण्यात घाला. 2-3 मिनिटांनी बाहेर काढून बारीक चिरा. तेल गरम करून त्यात मिरची पेस्ट आणि कांदा घाला. वाफ आल्यावर पालक घालून परता. पनीर कुस्करून पालकामध्ये मिसळा व हलवा. नंतर धने-जिरे पूड, लिंबूरस, मीठ, साखर घाला. मिश्रण एकजीव करा व गॅस बंद करा. उकडलेले बटाटे, मीठ, डाळीचे पीठ एकत्र करून मळून गोळा तयार करा. त्याची पारी तयार करून पालक व पनीरचे मिश्रण त्यात भरा. पारीचे तोंड बंद करून ती चपटी करा व तेलात तांबूस रंगावर तळा. सॉसबरोबर सर्व्ह करा.
संजीव वेलणकर पुणे.
९४२२३०१७३३