डॉ. दाभोलकरांच्या विचारांची हत्या !

रक्षाबंधनाच्या दिवशी सकाळी – सकाळी टी.व्ही वर डॉ. नरेंद्र दाभोलकर यांच्या हत्तेची बातमी पाहून मन सून्न झालं. मी बर्याचदा डॉ. दाभोलकरांना टी. व्ही. वर आपले विचार मांडताना पाहील होत आणि ऐकलही होत ! पण ! कधीही आपले विचार मांडताना मी त्यांच्या चेहर्यावर कोणाबद्दलचाही राग कधीच पाहिला नाही कारण ते आपल्या विचारांशी प्रमाणिक होते. अशा सरळ मार्गी निराअपराधी विचारवंताची हत्या व्हावी हे पुरोगामी महाराष्ट्राच दुदैवच म्ह्णावं लागेल. वैचारिक मतभेद हे काही आजचे नाहीत ते ह्जारो वर्षापूर्वीही होते आणि आणखी हजारो वर्षानंतरही असतील. फक्त त्याचे विषय बदललेले असतील इतकच ! फक्त आपल्या देशातच नाही तर जगाच्या कोणत्याही टोकावर राह्णार्या प्रत्येक मानवास आपले विचार मांडण्याचा अधिकार आहे. त्याचा तो अधिकार नाकारण्याचा हक्क कोणालाही नाही अगदी परमेश्वरालाही ! फक्त आपल्या विचांरामुळे कोणाची हत्या होत असेल तर ते संपूर्ण मानवजातीचच दुदैव म्हणाव लागेल. एखाद्या विचावंताने कितीही पोटतिडकीने आपले विचार मांडले तरी त्या विचारांचा स्विकार करायचा की नाही हे लोकांच्याच, समाजाच्याच हाती असते. जेंव्हा करोडो लोग एखाद्याच्या विचारांचा स्विकार करतात त्या विचारांच समर्थन करतात तेंव्हा त्या विचारात नक्कीच काहीतरी ताकद असणारच की !