कोकिळेचे मनोगत !

उन्हाची काहिली सुरु झाली,

वसंताची चाहूल पक्षांना लागली !

झाडं पालवीने हिरवीगार झाली,

रंगीबेरंगी फुलाने बहरली !

वसंतात तू सुंदर गातोस,

गाणे ऐकून कावळा लाजतो !

हाकुठला गायक, म्हणतो कावळा

नओळखण्याइतपत मी काय बावळा !

इंग्रज देश सोडून गेले,

तुझी आठवण नाही विसरले !

कवी वुड्सवर्थ आणि किपलिंगनी

प्रेमाने तुझ्यावर काव्ये लिहिली !

तू कुहूकुहूने आसमंत भरतोस,

माझी प्रेमाने विनवणी करतोस !

मीही तेवढीच महा बेरकी,

ऐकून न ऐकल्यासारखे करी !

कुहूकुहूने माझी फसगत होते,

अशीच मोबाईलची रिंगटोन वाजते !

वाटते काहीतरी रोमँटिक कर,

मला फेसबुकवरून प्रपोज कर !

न लागे तुझी गोड कुहूकुहू,

आंबे पिकती रसायनाने हळूहळू !

आता कळलेना तुला सगळे,

आताशा आंब्याला मोहर येतनाही कुहूकुहूने !

मी वेडी मंजुळ कुहूकुहूची वाट बघते,

तुझ्यावर जीव आवळून टाकते !

 

जगदीश पटवर्धन