तनमन व्याकुळ

मनाची भाषा मनास उमगते
शब्दाविना सारे काही कळते

अव्यक्त! गुज प्रीतभावनांचे
अलवार अंतरा सहजी कळते

क्षणक्षण अधीर आतुर लोचने
प्रतीक्षेत तनमन व्याकुळ होते

ध्यास , भास नि:शब्दी हळवा
आभाळ आठवांचे दाटूनी येते

घनमेघनांचे तांडव निळेसावळे
राधाकृष्णाची प्रीत सांगूनी जाते

मुरलीधराची पावरी मधुर मंजुळ
अलवार जीवाजीवास भुलविते

©️वि.ग.सातपुते.(भावकवी)

मोबाईल: 9766544908.

रचना क्र.९२. 

१८ – ७ – २०२१